Жақсылық Үшкемпіровті жерлеу рәсімі отбасы ішінде өтеді
Қазақстанның және әлемнің спорт жаңалықтарына жазылыңызЖақсылық Үшкемпіровты соңғы сапарға шығарып салу рәсімі пандемияға байланысты және адамдардың көптеп жиналуын болдырмау мақсатында тек отбасының қатысумен өтеді, деп хабарлайды Prosports.kz тілшісі Алматы әкімдігінің баспасөз қызметіне сілтеме жасап.
2 тамызда көрнекті мемлекет және қоғам қайраткері, ҚР Еңбек Ері, грек-рим күресінен Қазақстанның тұңғыш Олимпиада чемпионы, Әлем, Еуропа чемпионы, «Барыс», «Құрмет», және «Парасат» ордендерінің иегері Жақсылық Үшкемпіров 70 жасында дүниеден озды.
Жақсылық Үшкемпіровтың туған-туыстары көңіл айтып, қолдау көрсеткендері үшін барша қазақстандықтарға, әсіресе, ҚР Тұңғыш Президенті – Елбасы Нұрсұлтан Назарбаевқа және Мемлекет басшысы Қасым-Жомарт Тоқаевқа ризашылықтарын білдіріп жатыр.
Сонымен бірге, қоштасу рәсіміне қатысты шаралардың тура бір жылдан кейін өтетіні хабарланды.