Биатлоннан 2021 жылғы әлем чемпионаты өтетін мерзім анықталды

Халықаралық биатлоншылар одағы жаңа маусымға арналған жарыс күнтізбесін бекітті деп жазады Olympic.kz.

Алдағы маусымда әлем кубогінің тоғыз кезеңі өтеді. 2021 жылғы әлем чемпионаты Словенияның Поклюка қаласында ұйымдастырылмақ.

Аталған әлемдік дода жетінші және сегізінші әлем кубогі кезеңдерінің аралығында өтеді. Алдын ала жоспар бойынша біріншілік 9-21 ақпан аралығында ұйымдастырылады.

Айта кетелік, әлем кубогінің бірінші кезеңі 28-29 қараша күндері Финляндияның Контиолахти қаласында басталады.