Аргентина мен Бразилия жолдастық матч өткізеді

Аргентина футбол федерациясы Бразилия құрамасымен жолдастық кездесу ұйымдастыруды жоспарлап отыр, деп жазады Prosports.kz.

Олар осы арқылы коронавирус кезінде туындаған қаржылық қиындықтарды сәл жеңілдетпекші.

Жолдастық кездесудің басты шарты - Лионель Месси мен Наймар сөзсіз алаңға шығуы керек. Аса танымал екі ойыншының арқасында кездесудің билет бағасы, трансляция құны және демеушілік табыс жоғары болады деп есептейді.

Матч 3-8 қыркүйек аралығында өтеді деп жоспарланған.

Айта кетейік, 2019 жылы қарашада қос команда жолдастық матч өткізген. Бірақ ол ойынға Неймар қатыса алған жоқ. Месси пенальтиден гол соғып, Аргентина жеңіске жеткен болатын.