Мбаппе Чемпиондар лигасына қатыса алмауы мүмкін

25 шілдеде ПСЖ футбол клубы «Сент-Этьенді» 1:0 есебімен жеңіп, Франция кубогының жеңімпазы атанды, деп жазады Prosports.kz.

Бірақ бұл ойында париждік клубтың көшбасшы ойыншыларының бірі Килиан Мбаппе жарақат алып қалды.

Франциялық шабулышы ойынның 26-минутында тобығын жарақаттап алды. ПСЖ баспасөз қызметінің хабарлауынша, жарақаттың ауыр-жеңілдігі алдағы 72 сағатта анықталады.

Ал франциялық БАҚ Мбаппенің жарақаты жеңіл емес екенін айтады. Ол тіпті тамыз айында өтетін Чемпиондар лигасында командасына көмектесе алмауы мүмкін.