«Зенит» Ресей кубогын жеңіп алды

«Зенит» финалда «Химки» командасын жеңіп, Ресей кубогының жеңімпазы атанды, деп жазады Prosports.kz.

Екатеринбургте өткен кездесу 1:0 есебімен санкт-петербургтік клубтың пайдасына аяқталды. Жалғыз голды 83-минутта Артем Дзюба пенальтиден соқты.

Осылайша, «Зенит» биылғы маусымда «алтын дубль» жасап отыр. Олар бұған дейін Ресей чемпионы атанған болатын.

Айта кетейік, 2020 жылғы Ресей Суперкубогы «Зенит» пен РПЛ-да екінші орын алған «Локомотив» арасында өтеді.