Ұлттық конькишілер федерациясы Рахат Бралинге қатысты сот үкімін жариялады

Нұр-Сұлтан қаласының Есіл аудандық соты Ш.Д.Бралинаның Р.Бралиннен тәртіптік жазаны (6 айға спорттан шеттету) алып тастау туралы өтінішін қанағаттандырудан бас тартты, деп хабарлайды Prosports.kz.

Бұл туралы Қазақстандағы ұлттық конькишілер федерациясы мәлімдеді.

Нұр-Сұлтан қаласы Есіл ауданының соты Р.Бралинге тәртіптік жаза қолдану тәртібінің бұзылуын анықтаған жоқ. Тәртіптік кодекске және «Ұлттық конькишілер федерациясы» Республикалық қоғамдық бірлестігінің ережелеріне сәйкес даулы мәселенеің шешімі осындай болды.

Айта кетелік, биыл қаңтар айында қазақстандық мәнерлеп сырғанау шебері Рахат Бралин спортшыға сай емес мінез-құлық көрсеткені үшін 6 айға жарыстан шеттетілген болатын.