Хабиб Нурмагомедов қыркүйекте жекпе-жек өткізбейді

Жеңіл салмақта UFC чемпионы Хабиб Нурмагомедов қыркүйек айында жекпе-жек өткізбейді.

Бұл туралы спортшының менеджері Ризван Магомедов хабарлады. Хабиб Нурмагомедов 19 қыркүйекке жоспарланған UFC 253 турнирінде жекпе-жек өткізуі қажет еді.

Титулдық жекпе-жекте Хабиб Нурмагомедов америкалық Джастин Гэтжимен жұдырықтасады деп күтілді. Бұған дейін UFC президенті Дэйна Уайт бұл жекпе-жек қазан айына шегерілгенін мәлімдеген болатын.