Семсерлесуден 2021 жылғы әлем чемпионаты кейінге қалды

Халықаралық семсерлесу федерациясы 2021 жылы Мысырда өтетін әлем чемпионатын кейінге шегерді деп хабарлайды Prosports.kz ҰОК сайтына сілтеме жасап.

Әлемдік доданың кейінгі шегерілуіне Токиодағы Олимпиада ойындарының 2021 жылға ауыстырылуы себеп болған. Мысыр тарапы әлемдік доданы 2022 жылы қабылдауға дайын екенін жеткізді.

Айта кетелік, семсерлесуден 2021 жылғы әлем чемпионатын Египетте өткізу туралы шешім 2019 жылы Лозаннада өткен FIE конгресінде қабылданған болатын.