Жалғас Жұмағұлов: Тагирмен қарымта жекпе-жек өткізгім келмейді
Қазақстандық файтер Жалғас Жұмағұлов ресейлік Тагир Уланбековке қарсы қарымта жекпе-жек туралы айтты.
– Қарымта жекпе-жекке келсек, мен онымен жұдырықтасқым келмейтінін бұған дейін де айтқанмын. Мен оны, оның командасын құрметтеймін. Бірақ қарымта жекпе-жек өткізгім келмейді, — деді Жалғас Жұмағұлов.
Еске салайық, Жалғас Жұмағұлов 12 шілдеде UFC 251 турнирінде өнер көрсетеді. Әлемдегі ең үздік ұйымның қол астындағы жекпе-жегін жерлесіміз бразилиялық Раулиан Пайвамен (19-3) өткізеді. Жекпе-жек Нұр-Сұлтан уақытымен 05:00-де басталады.
