Артем Резников 1700 метр биікте жаттығып жүр (видео)

Қазақстандық аралас жекпе-жек шебері Артём Резников таулы аймақта кезекті кездесуіне дайындалып жүр, деп хабарлайды Prosports.kz.

Инстаграмдағы «stories» бөлімінде спортшы теңіз деңгейінен 1700 метр биіктікте өткен кезекті жаттығуынан видео салды.

Еске сала кетейік, Артем Резников өзінің алғашқы жекпе-жегін Алматыда ACA 105 турнирі аясында өткізген болатын, сол кеште ол бірінші раундта ресейлік Хамзат Аушевті жеңді. Резниковтың келесі қарсыласы тағы бір ресейлік палуан - Юсуф Раисов болады деп жоспарланып отыр.