Азар мен Варан командалық жаттығуға оралды

«Реал Мадрид» футбол клубының қорғаушысы Рафаэль Варан командалық жаттығуға оралды, деп жазады Prosports.kz.

Зинедин Зидан жариялаған екі күндік демалыстан кейін команда бүгін «Алавес» командасына қарсы дайындықты бастады. Клуб мүшелері Вальдебебастағы жаттығу базасына жиналды. Бұған дейін кішігірім жарақат алып қалған Варен мен Эден Азар жалпы топпен бірге жаттығу өткізді.

Демек, франциялық қорғаушы мен бельгиялық шабуылшы апта соңында өтетін «Алаве́ске» қарсы ойынға қатыса алады.