Пешич «Тобылмен» келісімшарт жасау үшін Қазақстанға келе алмай жүр

Prosports.kz сайтына белгілі болғандай, вингер Иван Пешич Қазақстанға ұшып келе алмай жүр.

Еске салайық, Пешич «Кайсардан» кетіп, «Тобылмен» келіссөз жүргізе бастады. Ол қостанайлық клубпен келісімшарт жасау үшін Қазақстанға келуі керек. Келісім 5 айға жасалған. Кейін бір жылға созу мүмкіндігі бар.

Ол өткен аптаның соңында ұшып кетуі керек еді, бірақ оған ұшуға рұқсат берілмеді. Пешич өз отаны Хорватияға коронавирус пандемиясына байланысты кетуге мәжбүр болды.