Спорттық гимнастикадан Әлем кубогы кезеңдері 2021 жылы өтеді
Коронавирус індетінің етек жайып, Токио Олимпиадасының кейінге шегерілгені әлемдік спортқа біраз өзгеріс әкелді. Осыған орай, Халықаралық гимнастика федерациясы 2020 жылғы әлем кубогы кезеңдерін өткізу мерзімін қайта қарады, деп жазады Olympic.kz.
Биылғы маусымда кейінге шегерілген үш кубок кезеңі 2021 жылға ауыстырылды.
Атап айтар болсақ, Штутгарт (Германия), Бирмингем (Ұлыбритания) және Токиодағы (Жапония) әлем кубогы кезеңдері келесі жылы өтеді.
Кейінге шегерілген турнирлер қатарында төрт елде өтетін World Challenge Cups бәсекелері де бар.
Әзірге әлем кубогының нақты өту мерзімі айтылған жоқ.
