Вагнер Лавтың «Қайраттағы» жалақысы қанша?

«Қайратқа» жаңадан ауысқан бразилиялық ойыншы Вагнер Лавтың жалақысы белгілі болды.

Meta-ratings.kz таратқан мәліметке сүйенсек, «Қайрат» Вагнер Лавқа бұрынғы жалақысынан кем түспейтін ақша ұсынған. Басылым мәліметінше, футболшының жалақасы 800 мың евро болмақ.

Еске салайық, бірнеше күн бұрын 35 жастағы шабуылшы бразилиялық «Коринтианс» клубымен келісімшартын бұзған болатын. Кейінірек ойыншының Мәскеу ЦСКА-ға оралуы мүмкін екені туралы ақпарат пайда болды. Бірақ Вагнер Лав өзінің «Қайратқа» ауысатынын жариялады.