«Оқжетпес» жолдастық матчта «Тобылды» жеңді

Көкшетаудың «Оқжетпес» футбол клубы қостанайлық «Тобылмен» кездесті, деп хабарлайды ҚазАқпарат.

Жолдастық кездесу Алматы облысында өтті. Қос команда Алматыда оқу-жаттығу жиындарын өткізіп жатыр.

Бүгінгі ойын 1:2 есебімен көкшелік команданың пайдасына шешілді.

«Матч Қазақстанның кәсіби футбол лигасы талаптарын сақтап, жабық форматта өтті. Ойындағы «Тобылдың» жалғыз голын Азат Нұрғалиев соқты. Ол пенальтиден мүлт кетпеді. Жақын арада команда Қостанайға оралып, маусымды қайта бастауға дайындықты жалғастырады», - дейді «Тобылдың» баспасөз қызметіндегілер.