Жеңіл атлетика федерациясы бапкерлерге арнайы семинар өткізеді
Қазақстанның және әлемнің спорт жаңалықтарына жазылыңыз1-4 шілде аралығында Қазақстан жеңіл атлетика федерациясы Орталық Азия елдеріндегі жаттықтырушыларға арналған онлайн-семинар өткізеді.
Қазақстандық ұйымның бастамасын Азия қауымдастығы мен World Athletics қолдап отыр. Онлайн сессияға әр елден төрт адам қатыса алады.
Онлайн семинарлардың басты тақырыбы төмендегідей:
Снаряд лақтыру түрлерінің негіздері мен биомеханикасы;
Снаряд лақтырушылардың дайындығын жоспарлау;
Снаряд лақтырушылардың техникасын арттыруға арналған арнайы жаттығулар;
Снаряд лақтырушылардың арнайы физикалық қасиетін дамыту;
Жарыс кезінде қажетті психологиялық ерекшеліктер және тағы да басқа.
Дәріс берушілер: ІІ деңгейдегі World Athletics лекторы Александр Кругликов, әлем рекордшысы, 15 жылдық еңбек өтілі бар бапкер Виктор Евсюков.
Семинарға қатысушылар арнайы сертификатпен марапатталады.