Лия Қошқарбаева каратеден онлайн турнир жеңімпазы атанды
Қазақстанның және әлемнің спорт жаңалықтарына жазылыңызАшық чемпионатқа барлығы 14 елдің спортшылары қатысты. Жарысқа Жапониядан көп спортшы қатысуға өтініш жіберген және олардың біразы финалға дейін жетті.
Сонымен, 14-15 жастағы ұлдар арасында Сузуки Харуто франциялық Габриэль Кулучиді жеңді. Ал қыздар арасында Юрий Таканозава индонезиялық Агния Замзамиеннен ұтылып қалды. Ал ерлер арасындағы бәсекенің финалында екі қазақстандық спортшы кездесті. Нәтижесінде, жастар арасындағы әлем чемпионатының қола жүлдегері Рауан Амантайұлы әлем кубогының иегері Ғабиден Урынбаевты ұтты.
Әйелдер санатында халықаралық онлайн турнирінің чемпионы ұлттық құрама мүшесі Лия Қошқарбаеваға финалда канадалық спортшы Луго Сосана қарсылас атанды. Лия осымен биыл екінші рет халықаралық жарыстың жеңімпазы атанып отыр.