ФИФА рейтингісі: Қазақстан құрамасы өз орнын сақтап қалды
Қазақстанның және әлемнің спорт жаңалықтарына жазылыңызКезекті рейтингте Қазақстан ерлер құрамасы 118-орынды (1155 ұпай) сақтап қалды.
Әлем құрамалары арасында Бельгия футболшылары көш бастап тұр (1765 ұпай). Ал екінші, үшінші орындарға Франция (1733 ұпай) мен Бразилия (1712 ұпай) жайғасқан.
Айта кетейік, Қазақстан құрамасы жаңа маусымдағы алғашқы ойындарын 27 және 30 наурыз күндері Литва және Армения құрамаларына қарсы өткізуі керек еді. Алайда тұтас дүниені табанынан тік тұрғызған коронавирус пандемиясы бұл жоспарды жоққа шығарды. Бүкіл әлемде жарыстар уақытша тоқтатылды.
Ал Қазақстан қыздар құрамасы жаңа тізімде бір саты төмендеп, 77-орынға (1318 ұпай) жайғасты. Әйелдер арасындағы әлемдік рейтингте АҚШ құрамасы (2181 ұпай) үздік тұр. Одан кейінгі орындар Германия (2090 ұпай) мен Францияның (2036 ұпай) бұрымды футболшыларына бұйырды.