Фьюри: Мен – ғаламшарда бұрын-соңды болмаған ең ұлы боксшымын
![Фьюри: Мен – ғаламшарда бұрын-соңды болмаған ең ұлы боксшымын](https://prosports.kz/upload/news/content//202006/201131_b24b34df1f6f2fce9dab51fb7ef35215.jpg?v=28653854)
Аса ауыр салмақта WBC тұжырымының чемпионы Тайсон Фьюри өзін тарихтағы ең ұлы боксшы деп атады.
– Кейінгі мың жылда маған төтеп бере алатын не жеңетін боксшы болған емес. Мен – ғаламшарда бұрын-соңды өмір сүрген ең ұлы боксшымын. Сыпайы болғанымнан осылай ғана айтып тұрмын. Мен жұдырықтасу үшін туғанмын, - деді Тайсон Фьюри BoxingScene басылмына берген сұқбатында.
Айта кетейік, 31 жастағы боксшы мансабында 31 жекпе-жек өткізіп үлгерген. Бір ғана кездесуінде қарсыласымен тең түссе, қалған барлық жекпе-жегінде жеңістің дәмін татқан.