Конноли: Альварес пен Деревянченконың жекпе-жек туралы келіссөзі шындыққа жанаспайды

Орта салмақтағы украиналық боксшы Сергей Деревянченконың (13-2, 10 КО) менеджері Кит Коннолли Golden Boy компаниясынан мексикалық Сауль Альвареспен жекпе-жекке шақыру туралы ресми ұсыныстар алмағанын айтты, деп хабарлайды Prosports.kz.

«Қыркүйек айында «Канеломен» жұдырықтасуға қатысты ресми ұсыныстар болған жоқ. Алайда Golden Boy қызметкерлерінде менің ұялы телефонымның нөмірі бар, егер нақты ұсыныс болса, біз Сергеймен және оның кеңесшісі Аль Хаймонмен бірге дастархан басында отырып, талқылаймыз», - дейді Конноли.

«Канело» мен Деревянченконың осы жылғы қыркүйектегі кездесуі туралы келіссөздері туралы ақпаратты Майк Коппинджер айтты. ОЛ сонымен қатар Альварес пен қазақстандық Геннадий Головкин арасындағы үшінші жекпе-жектің 2021 жылдың басына дейін болатындығын жоққа шығарды.