«Лестер Сити» қорғаушысы «Челсиге» ауысады

«Челси» футбол клубының президенті Роман Абрамович жазғы трансфер кезінде командаға бірқатар үздік ойыншыларды шақырмақшы, деп жазады Prosports.kz.

Ресейлік кәсіпкер команданың бас бапкері Фрэнк Лэмпардтің ұсынысы бойынша, «Лестер Сити» қорғаушысы Бенджамин Чилвеллді сатып алуды жоспарлап отыр.

«Челси» бұған дейін 23 жастағы англяилық қорғаушыға 85 млн еуро ұсынған. Бірақ коронавирусқа байланысты футболшылардың трансферлік құны да төмендеді. Сондықтан лондондық клуб Чилвеллді бұдан әлдеқайда төмен сомаға сатып алуы мүмкін.