«Тым артық бағаланған боксшы». Шетелдік журналист Головкинді сынады
Қазақстанның және әлемнің спорт жаңалықтарына жазылыңызEl Round Final басылымының журналисі Виктор Оливера қазақстандық боксшы Геннадий Головкинді сынға алды, деп хабарлайды Prosports.kz тілшісі.
Оливераның пікірінше, Головкин карьерасындағы екі маңызды жекпе-жекте өзін жақсы көрсете алмаған.
«Головкин - тым артық бағаланған боксшы: мұны мойындау керек. Бұлай айтуыма себептерім бар. Маған да GGG ұнаған, бірақ ол Канелоны нокаутқа түсіре алмады да, өзін нашар көрсетті», - деп жазды Оливера.
Айта кетейік, Головкин Сауль Альвареспен екі рет жұдырықтасқан. 2017 жылы қыркүйекте боксшылар тең түсіп, бұл нәтижеге қарсы шыққандар көп болған. Ал тура бір жылдан соң рематчта Канело Головкинді жеңіп, барлық титулын иеленген.
Енді боксшылар биыл желтоқсанда не 2021 жылы үшінші рет жұдырықтасуы ықтимал.