Игорь Сон әлемдік рейтингте екінші орынға көтерілді

Халықаралық ауыр атлетика федерациясы коронавирус індетіне байланысты бірқатар жарыстар шегерілген соң, әлемдік рейтингті жаңартты.

55 келідегі Игорь Сон рейтингте 2-ші орында тұр. 81 келіде Нижат Рахимов 19-шы, Денис Уланов 23-ші орында.

109 келіге дейінгі салмақта сынға түсетін Ибрагим Берсанов 16-шы сатыда.

Әйелдер арасында 55 келіге дейінгі салмақта Зулфия Чиншанло 8-ші орынға табан тіреді.

71 келіге дейінгі салмақта Екатерина Быкова 24-ші, 81 келіге дейінгі салмақта Раушан Мешітханова 27-ші орында.