CES Boxing промоутерлік компаниясы Майк Тайсонға қарсылас ұсынды

CES Boxing промоутерлік компаниясының басшысы Джимми Бёрчфилд боксқа оралуды ойлап жүрген Майк Тайсонға жекпе-жек ұйымдастырып беретінін айтты.

Ол Майк Тайсонға аса ауыр салмақта Джо Кусуманоға (18-3, 16 КО) қарсы жекпе-жек өткізуді ұсынып, айқас үшін 1 миллион доллар сыйақы төлеуге әзір екенін мәлімдеді.

Бұған дейін аса ауыр салмақта WBC чемпионы Тайсон Фьюри Майк Тайсонмен жекпе-жек өткізуге ұсыныс түскенін айтқан болатын.