ACA лигасы шілдеде турнир өткізеді

Ресейлік Absolute Championship Akhmat промоутерлік компаниясы коронавирус пандемиясына қарамастан турнир өткізуді қолға алмақ.

АСА лигасы 11 шілде күні турнир өткізуді бастайды. Бірінші кезекті 106-шы жарыс өтеді деп күтілуде. АСА ұйымы жазда төрт турнирді ұйымдастыруды жоспарлап отыр.

Естеріңізге сала кетейік, АСА ұйымында қазақстандық Евгений Егембердиев, Асылжан Бақытжанұлы, Артем Резников және Нұрсұлтан Қасымханов секілді танымал спортшылар өнер көрсетеді.