«Барыс» Канадада ойнаған фин қақпашысымен толықты
«Барыс» фин қақпашысы Йони Ортионы қатарына қосты, деп хабарлайды Prosports.kz.
29 жастағы қақпашымен біржақты келісімшарт 1 маусымға - 2021 жылдың 30 сәуіріне жасалды.
Бұған дейін Ортио ҚХЛ-да 2018/19 маусымда «Витязь» сапында өнер көрсеткен болатын. Өткен маусымда Йони Ортио Швейцария чемпионатында «Цюрих Лайонс» клубының құрамында 29 матч өткізді.
Ортио Финляндия құрамасына үнемі шақырылып отырады, сонымен қатар NHL біріншілігінде де тәжірибесі бар. Канадалық «Калгари Фламес» клубының мүшесі ретінде 2014 жылдан 2016 жылға дейін 37 матч өткізді.
