«Сарыарқа» қақпашыларын Рамиль Мазитов жаттықтырады

«Сарыарқа» хоккей клубының қақпашылар жаттықтырушысы қызметін енді ресейлік маман Рамиль Мазитов атқарады, деп жазады Prosports.kz.

Бұл туралы қарағандылық клубтың баспасөз қызметі хабарлады. Рамиль Мазитов бұған дейін «Торос» клубында қақпашылардың жаттықтырушысы болған.

Рамиль Мазитов 1969 жылы 19 маусымда туған. Уфа хоккей мектебінің түлегі. 17 жасынан бастап уфалық «Салават Юлаев» клубының қақпасын күзеткен. 2015/2016 жылғы маусымда ол «Южный Урал» клубының, ал келесі маусымда «Ижстали» клубының қақпашыларын жаттықтырды.