FINA Дохадағы конгресін 2021 жылға ауыстырды
Қазақстанның және әлемнің спорт жаңалықтарына жазылыңызХалықаралық су спорты түрлері федерациясы (FINA) Дохадағы конгресті 2021 жылдың 5 маусымына қалдырды.
Аталған конгресте 2021-2025 жылдарға арналған FINA бюросының жаңа құрамы сайланады. Жаңадан тағайындалған бюро мүшелері Токио Олимпиадасы аяқталған бойда қызметіне кіріседі.
Сондай-ақ, қысқа суда жүзуден әлем чемпионатының 2021 жылға ауыстырылуына қатысты да түсініктеме берілді.
«Соңғы аптада біз БАӘ билігімен тығыз қарым-қатынас жасап, чемпионаттың өту мерзімін ауыстырдық. Бұл біріншілікке қатысатын спортшылар үшін сәтті шешім деп ойлаймыз», - деді FINA президенті Хулио Маглионе.