Футболдан Уэльс чемпионаты мерзімінен бұрын аяқталды

Уэльс футбол қауымдастығының басшылығы коронавирус пандемиясына байланысты ұлттық чемпионатты мерзімінен бұрын аяқтау туралы шешім қабылдады, деп хабарлайды Prosports.kz ұйымның ресми сайтына сілтеме жасап.

Барлық төрт дивизион бойынша маусым аяқталды. Нәтижелерді шығару кезінде клубтар жинаған ұпайлардың орташа саны ескерілді, өйткені клубар кейбірі артық, кейбірі аз матчтар өткізген.

«Коннас Куэй» командасы тұңғыш рет Уэльс чемпионы атанды

Еске сала кетелік, коронавирус пандемиясына байланысты Беларусь чемпионатын қоспағанда, Еуропа чемпионаттарының барлығы дерлік тоқтатылды. Германия чемпионаты бірінші болып қайта жанданды. Бельгия, Нидерланды және Франция чемпионаттары мерзімінен бұрын аяқталды.