«Рубин» ойыншысы коронавирус жұқтырды

«Рубин» футбол клубы қорғаушы Константин Плиевтің коронавирус жұқтырғанын хабарлады, деп жазады Prosports.kz.

Клуб баспасөз қызметінің хабарлауынша, ойыншы қазір Владикавказда дәрігерлердің бақылауында ем қабылдап жатыр, жағдайы жақсы.

Ойыншы сәуірдің басынан бастап Владикавказда оқшауланған, клубтың өзге ойыншыларымен байланыста болмаған.

Ол РПЛ-де коронавирус инфекциясын жұқтырған екінші ойыншы. Бұған дейін «Локомотив» шабуылшысы Джефферсон Фарфан да вирус жұқтырған болатын.