Месси имиджін түбегейлі өзгертті

«Барселонаның» ататқты шабуылшысы Лионель Месси бірнеше жыл бойы өсірген сақалын қырып тастады, деп хабарлайды Prosports.kz.

Форвард коронавирустың таралу қаупіне байланысты енгізілген карантин ережелерін жеңілдету аясында испан клубтарына рұқсат етілген жеке жаттығу кезінде жаңа имиджде пайда болды.

32 жастағы Месси – «Барселонаның» түлегі. Клубтық мансабында ол барлық турнирлерде 718 матч өткізіп, 627 гол соқты жән 261 нәтижелі пас берді. Ол - Испанияның 10 дүркін чемпионы, Испания Кубогының алты дүркін жеңімпазы, Испания Суперкубогының сегіз дүркін иегері, Чемпиондар лигасының төрт дүркін чемпионы, УЕФА Суперкубогында үш мәрте жеңіске жеткен, Клубтар арасындағы Әлем кубогының үш дүркін жеңімпазы, 2014 Әлем кубогының финалисі, «Алтын доптың» және «Алтын бутстың» алты дүркін жеңімпазы.