Ағылшын Премьер-лигасының қашан жанданатыны мәлім болды

COVID-19 індеті кесірінен Еуропадағы ұлттық чемпионаттар мен құрлықтық турнирлердің тоқтап тұрғаны белгілі. Солардың бірі – Ағылшын Премьер-лигасының шамамен қашан жалғасатыны мәлім болды, деп хабарлайды Prosports.kz.

The Telegraph басылымының хабарлауынша, Премьер-лига 12 маусымда қайта басталуы мүмкін.

Еске сала кетелік, коронавирус пандемиясына байланысты Англия чемпионаты наурызда тоқтатылды. 18 мамырдан бастап командалар жаттығуға қайта оралады деп күтіліп отыр.

Премьер-лигада 30 жыл бойы чемпион атанбаған «Ливерпульдің» биыл жеңімпаз атануына мүмкіндігі мол.