UFC президенті Хабиб — Гэтжи жекпе-жегі қашан өтетінін айтты

UFC президенті Дэна Уайт жеңіл салмақтағы UFC чемпионы Хабиб Нурмагомедов пен осы дивизиондағы уақытша чемпион Джастин Гэтжидің кездесетін уақыты туралы айтты, деп жазады Prosprots.kz.

Оның айтуынша, бұл кездесу биыл жазда өтуі мүмкін.

«Хабиб жазда жекпе-жекке дайын болатынын айтты. Келесі аптада осы жекпе-жекті қашан ұйымдастыруға болатынын талқылаймыз», - деді Уайт UFC 249 турнирінен кейінгі баспасөз мәслихатында.

Айта кетейік, Джексонвиллде (Флорида, АҚШ) өткен UFC 249 турнирінің басты жекпе-жегінде америкалық файтер Джастин Гэтжи өз отандасы Тони Фергюсонды техникалық нокаутпен жеңіп, уақытша чемпион атағына қол жеткізген болатын.