«Барселонаның» бюджеті қаншаға қысқаратыны белгілі болды

Ла Лига коронавирус пандемиясына байланысты тоқтағаны салдарынан «Барселонаның» бюджеті қаншалықты қысқарғаны белгілі болды.

As басылымының мәліметінше, «Барселонаның» келесі жылға жасалған жоспары 250 миллион еуроға аз болады. Өткен жылы каталондық клубтың бюджеті 1 миллиард 47 миллион еуроны құраған. Шығынды қысқарту үшін клуб басшылығы футболшыларға төленетін айлықты қысқартуды жөн деп шешкен.

Клубтың вице-президенті Жорди Кардонераның айтуынша, клуб 120-140 миллион еуро табысынан қағылған. Шығынға матч мен музейге сатылатын билеттерден, ойындарды көрсету құқығынан, мектеп пен дүкендерден, даңқты футболшылардың қатысуымен өтуі керек болған іс-шаралардан түсетін қаржы кіреді.