«Алматының» экс-хоккейшісі ресейлік клубтың спорт директоры болып тағайындалды

Андрей Зюзин "Сочи" клубының спорт директоры болып тағайындалды, деп хабарлайды Prosports.kz.

Бұған дейін ол "Салават Юлаевтың" жаттықтырушылар құрамында жұмыс істеген.

42 жастағы маманның міндетіне спорттық іс-шараларды ұйымдастыру, басқару, іріктеу және аналитикалық қызметтер, клубтың спортты, білім беру және бәсекеге қабілетті процестерді дамытудың жаңа тұжырымдамасын жүзеге асыру үшін қажетті жағдайлар жасау кіреді.

Еске салайық, 2013 жылы Андрей Зюзин «Алматы» сапында өнер көрсеткен. Команда құрамында ол маусым алдындағы ойындарды өткізді, бірақ Қазақстан чемпионатында бірде-бір матч өткізбеді.