«Қайрат» Орталық стадионда матч өткізбейді

Meta-ratings ақпаратына сенсек, «Қайрат» орталық стадионда коронавирустық пандемияға байланысты матч өткізбейді, деп хабарлайды Prosports.kz.

Бұл шешім вирус туындатқан қаржылық жағдайға байланысты. Көптеген қызметкерлер жұмыстан шығарылды. Орталық стадионда матчтарды өткізу тым қымбат болғандықтан, клуб Майлин көшесінде орналасқан резервтік аренада ойнайды.

Сонымен қатар, клуб жол шығындарын азайтуға тырысады. Қонақтағы матчтарға команда ұшақпен емес, пойызбен барады. Бұл шешім әлі түпкілікті емес.