Роналду Туринге келді
«Ювентус» шабуылшысы Криштиану Роналду Туринге келді, деп жазады Prosports.kz.
Шетелдік басылымдардың хабарлауынша, 35 жастағы футболшының жеке ұшағы төртінші мамыр күні кешке Туринге қонған. Енді Роналду екі апталық карантинде болуы керек, содан кейін ол командамен жаттығуды бастайды.
Еске сала кетейік, Роналду инсульт алған анасына қарайласу үшін наурыз айында Италиядан кеткен. Кейінірек, ойыншы өзінің отбасымен бірге Мадейра аралында коронавирус пандемиясына байланысты жарияланған карантинде отырды.
Айта кетейік, Италияда 18 мамырдан бастап командалық спорт түрлері жаттығуға кіріседі.
