«Барыс» бас бапкер қызметіне үміткерлердің бірін атады
«Барыс» Ари-Пекки Селиннің бас бапкер қызметіне кандидаттардың бірі екенін мәлімдеді, деп хабарлайды Prosports.kz тілшісі.
«Барыс» хоккей клубы бірінші құрамның жаңа бас бапкерін әлі іздеп жатыр. Кандидаттардың бірі - фин маманы Ари-Пекки Селин.
Селин өткен маусымды Финляндияда өткізді, онда Пори қаласының «Эссят» командасын жаттықтырды. Бған дейін 2013/2014 жылғы маусымда «Барысты» баптаған болатын. Оның басшылығымен қазақстандық клуб алғаш рет Чернышев дивизионын жеңіске жетіп, Гагарин кубогы плей-офф кезеңінің екінші кезеңіне шыққан еді», - деп жазды клубтың баспасөз қызметі.
Еске салайық, сәуірдің аяғында «Барыстың» бас бапкері Андрей Скабелка келісімшарт мерзімінің аяқталуына байланысты қызметінен кеткен болатын.
