Су спорты түрлерінен әлем чемпионаты кейінге шегерілді

Халықаралық су спорты федерациясы (FINA) коронавирустық пандемияға байланысты су спорты бойынша 2021 жылғы әлем чемпионатын кейінге шегеруге шешім қабылдады, деп хабарлайды Prosports.kz.

Чемпионат бастапқыда 2021 жылдың жазында Фукуокада (Жапония) өтуі керек еді. Енді жарыс 2022 жылдың 13-29 мамыр аралығында өтеді.

«Бұл мәселені қызу талқылағаннан кейін осындай шешім қабылдадық. Біз бұл шешім чемпионаттың барлық қатысушыларына жақсы жағдай туғызатынына сенеміз», - деді Хулио Маглионе, FINA президенті.