Шахматтан Қазақстан мен Сингапур құрамалары жолдастық матч өткізеді
Қазақстанның және әлемнің спорт жаңалықтарына жазылыңыз3 мамырда Қазақстан мен Сингапурдың жас шахматшылары онлайн матч өткізеді, деп хабарлайды Prosports.kz Қазақстан шахмат федерациясының баспасөз қызметіне сілтеме жасап.
Екі жақтан 20 шахматшы қатысады. Қазақстанның ерлер жастар құрамына: Агманов Жандос, Аманжол Сұлтан, Жалмаханов Рамазан, Алдабергенов Алрами, Нөгербек Қазыбек, Жүкенов Айтуар, Ахметдинов Сатбек, Кенбеилов Тимур, Ансат Алдияр, Сапенов Даниял кірді. Қазақстан әйелдер құрамасының құрамында: Қайырбекова Амина, Сұлтанбек Зейнеп, Бармагамбетова Сақыпжамал, Әліпбек Арайлым, Балабаева Ксения, Курмангалиева Лия, Нурманова Алуа, Калдарова Аяулым, Нургалиева Зарина, Ажарык.
Матч Нұр Сұлтан уақытымен 14: 00-де басталып, Twitch және Lichess.org алаңдарында көрсетіледі. Оны Қазақстан ерлер құрамасының лидері, халықаралық гроссмейстер Ринат Жұмабаев пен сингапурлық халықаралық гроссмейстер Кевин Го жүргізеді.