«Гэлакси» стадионындағы Дэвид Бекхэмнің ескерткішінде маска пайда болды

«Лос-Анджелес Гэлакси» клубы жанкүйерлерін коронавирус пандемиясы кезінде қорғаныс маскаларын киюге шақырды, деп хабарлайды Prosports.kz.

Клуб «Манчестер Юнайтед», «Реал Мадрид» және «Лос-Анджелес Гэлакси» клубтарының бұрынғы жартылай қорғаушысы Дэвид Бекхэмнің ескерткішіне маска тағуға шешім қабылдады, ол клубтың эмблемасына сәйкес көк түстен жасалған.

Айта кетелік, коронавирус инфекциясының бүкіл әлемде таралу қаупіне байланысты спорттық шаралар жаппай тоқтап жатыр.

COVID-19 ауруы Ухань қаласында (Қытай) өткен жылдың соңында тіркелген. Содан бері әлемде 3,3 миллионнан астам жұқтыру оқиғасы анықталды. 238 мыңнан астам өлім тіркелген. Сонымен бірге 1 миллионнан астам адам аурудан емделіп шықты.