Қуат ұлттық құрама жеңісіне қанша төленетіні туралы айтты

Қазақстан құрамасы мен Ресей Премьер-лигасындағы «Орынбор» клубының ойыншысы Исламбек Қуат Prosports.kz тілшісіне берген сұхбатында ұлттық құрама жеңіске жеткені үшін үшін қанша төленетіні туралы айтты.

«Бұрындары команданың жеңісіне «сұмдық» сыйақы тағайындалады дейтін. Қазір бәрі мүлдем басқаша. Соңғы рет ұлттық құрамадағы жеңіске бес-жеті мың төледі ғой деймін», - деді ойыншы сұхбатында.

Еске сала кетелік, 27 жастағы Қуат «Орынбормен» 1 қаңтарда келісімшартқа отырды. Жартылай қорғаушы ресей клубқа еркін агент ретінде қосылды.

Футболшы ұлттық құрамада 2015 жылдан бері ойнап келеді.