Бралин ISU рейтингісінде 135-орынға жайғасты

Халықаралық конькимен сырғанау одағы үздік мәнерлеп сырғанаушылардың жаңа рейтингіcін жариялады, деп хабарлайды Prosports.kz.

Рейтинг соңғы үш маусымда ISU туы астында өткен турнирлерде жинаған ұпай сандары негізінде жасалды. Бұл тізімде қазақстандық спортшылар Рахат Бралин 135-орынға, Никита Манько 150-сатыға, ал Михаил Шайдоров 161-орынға жайғасты.

Көш басында жапониялық Юдзуру Ханю орналасқан. Ал екінші, үшінші орынға ресейлік спортшылар Александр Самарин мен Дмитрий Алиев жайғасты.