Қазақстандық велошабандоз допингке қарсы ережені бұзғаны үшін спорттан шеттетілді

Қазақстандық велошабандоз Кирилл Казанцев допингке қарсы ережелерді бұзғаны үшін спорттан шеттетілді, деп хабарлайды Prosports.kz.

Ресми хабарламада Қазақстанның Ұлттық допингке қарсы орталығы мен Қазақстан велосипед спорты федерациясының комиссиясы спортшыға кез-келген спорттық іс-әрекетке қатысуға тыйым салған. Мерзім - 4 жыл. Оның ішінде оқу-жаттығу жиындарына және допингке қарсы ережелердің 2.1-бабының бұзылуына байланысты республикалық, аймақтық, континенталды және халықаралық жарыстарға қатысуға болмайды.

2019 жылғы 28 тамызда спортшыға алдын-ала ескертусіз кенеттен Кирилл Казанцевтен сынама алынды. Нәтижелерге сәйкес, спортшының тыйым салынған зат - пептидті гормондар тобына жататын эритропоэтин қолданғаны анықталды.

Казанцевтің өзі допингті спорттық көрсеткіштерін жақсарту үшін қолданғанын мойындады. Оның 2019 жылдың 28 тамызынан бастап көрсетілген барлық нәтижелері жойылады.