UCI ірі спорттық жарыстарды 1 маусымға дейін өткізбейтін болды
Қазақстанның және әлемнің спорт жаңалықтарына жазылыңызХалықаралық велосипедшілер одағы (UCI) 2020 жылғы жарыстар тізбегін 1 маусымға дейін тоқтатты. Бұл туралы ұйымның ресми сайтында хабарланған.
Аталған шешім велоспорттың барлық түрлеріне және барлық санаттағы спортшыларға қатысты.
Айта кетелік, UCI коронавирус індетіне байланысты 3 сәуірге дейінгі турнирлерді тоқтатқан болатын.
Сонымен қатар, жаңа маусымдағы веложарыстар кестесіне айтарлықтай өзгеріс енгізіледі. Ұйым екі Гранд-тур мен классикалық жарыстарды өткізуге мүдделі.
2020 жылдың 11 наурызында Дүниежүзілік денсаулық сақтау ұйымы коронавирусты пандемия деп жариялады. Осыған орай, әлем елдері карантинге жабылып, спорттық жарыстар тоқтатылды.