Фергюсон: UFC Хабибті атағынан айыру керек
Қазақстанның және әлемнің спорт жаңалықтарына жазылыңызАмерикалық файтер Тони Фергюсон Хабиб Нурмагомедовтың жекпе-жектен бас тартпауға мүмкіндігі болғанын айтып, енді ресейлікті титулынан айыруға шақырады, деп хабарлайды Prosports.kz.
«Оның осында (АҚШ-та) қалуына немесе Ресей шекаралары жабылғанға дейін оралуына болатын еді. Бұл жігіт төбелескісі келмейді. Ол қорқып, қашып кетті. Оны атағынан айыру керек», - деді Фергюсон ESPN MMA-ға берген сұхбатында.
Еске салайық, Хабиб Нурмагомедов өзінің Инстаграм арқылы Фергюсонмен болатын жекпе-жектен бас тартатынын айтып, мәлімдеме жасаған. Жекпе-жек 18 сәуірде Бруклинде (Нью-Йорк, АҚШ) жоспарланған және UFC 249 турнирінің басты оқиғасына айналуға тиіс еді, алайда коронавирус пандемиясына байланысты жергілікті билік пен атлетикалық комиссия турнирдің өтуіне тыйым салды.