FIS мамырда өтетін конгресті белгісіз мерзімге ауыстырды

Халықаралық шаңғы спорты түрлері федерациясының (FIS) Кеңесі онлайн конференция өткізіп, 17-23 мамыр аралығында Таиландта өтетін конгресті кейінге шегерді.

COVID-19 індетінің әлемде қарқын алуына байланысты ауқымды шараның мерзімі ауыстырылды. Әзірге, жиынның нақты қашан өтетіні жарияланған жоқ. Бірақ FIS кездесуді 2020 жылдың күзіне жоспарлауда деген ақпарат бар.
Айта кетелік, аталған жиында FIS Президенті мен Кеңесінің сайлауы өтеді. Сондай-ақ, 2024-2025 жылдардағы әлем чемпионатын қабылдаушы қалалар анықталады.