Кирилл Герасименко Oman Open турнирінің ширек финалында ұтылды

Оманның Маскат қаласында үстел теннисінен Oman Open халықаралық турнирі жалғасуда.

Қазақстандық Кирилл Герасименко ширек финалға дейін сүрінген жоқ.

Ол кадеттер арасындағы Оңтүстік-Шығыс Азияның үш дүркін чемпионы, сингапурлық Панг Эн Коенді 4:2 есебімен ұтса, жұптық сында әлем чемпонатының қола жүлдегері, командалық жарыстағы әлем чемпионатының қола жүлдегері, португалиялық Тьягу Аполонины 4:1 есебімен жеңді.

Алайда, жартылай финал жолдамасы үшін өткен тартыста Еуропа чемпионатының күміс жүлдегері, ресейлік Кирилл Скачковқа 3:4 есебімен жол берді.