Фергюсон Хабиб пен оның командасын келеке етті (фото)

UFC ұйымының жеңіл салмақтағы бұрынғы уақытша чемпионы Тони Фергюсон алдағы Хабиб Нурмагомедовпен болатын жекпе-жек көрігін қыздырып жүр, деп хабарлайды Prosports.kz.

Америкалық өз парақшасында фотошоппен өңделген сурет жариялады. Онда атқа мінген Хабиб Нурмагомедов, сондай-ақ оның командасы мүшелері Абубакар Нурмагомедов, Зубайра Тухугов, Ислам Махачев және басқа да атқа үстіндегі адамдар бейнеленген.
Фергюсон Twitter желісіне жариялаған суретінің астына «Хабибтің командасы» деп жазды.

Еске сала кетелік, Хабиб Нурмагомедов пен Тони Фергюсон 18 сәуірде Бруклинде өтетін UFC 249 турнирінде кездеседі деп жоспарланған, алайда коронавирус пандемиясының турнирді өткізуге кері әсер ете ме, жоқ па әлі белгісіз.