Токио Олимпиадасын тоқтатқаннан гөрі екі жылдан кейін өткізген жөн - Харуюки Такахаши
Қазақстанның және әлемнің спорт жаңалықтарына жазылыңызТокиода алдағы Жазғы Олимпиада ойындары коронавирусқа байланысты тоқтатылған жағдайда бір немесе екі жылдан кейін өтеді. Бұл туралы The Wall Street Journal Токио-2020 атқарушы комитетінің мүшесі Харуюки Такахашиға сілтеме жасап хабарлайды.
Оның айтуынша, басқа нұсқалар, мысалы, Олимпиаданы көрерменсіз өткізу немесе толығымен тоқтату ауыр қаржылық зардаптарға соқтыруы мүмкін.
«Жазғы ойындар тоқтатылады деп ойламаймын», — деп мәлімдеді Такахаши.
Еске сала кетейік, Токиода Олимпиада шілденің 24-інен 9 тамыз аралығында өтеді. Ал Паралимпиада ойындары 25 тамыздан 6 қыркүйекке дейін болады.
